தேர்தல் வெட்டுப் புள்ளி ஒன்றுபட்டுதான் வெற்றி கொள்ளவேண்டும்.- சிரேஸ்ட சட்டத்தரணி எஸ்.எம்.ஏ. கபூர்

  • January 11, 2020
  • 293
  • Aroos Samsudeen
தேர்தல் வெட்டுப் புள்ளி ஒன்றுபட்டுதான் வெற்றி கொள்ளவேண்டும்.- சிரேஸ்ட சட்டத்தரணி எஸ்.எம்.ஏ. கபூர்

தேர்தல் வெட்டுப் புள்ளி சம்பந்தமாக சிங்கள் தமிழ் முஸ்லிம் சிறிய அரசியல் கட்சியாளர்கள் எல்லோரும் ஒன்றுபட்டுதான் வெற்றி கொள்ளவேண்டும்.-
மு.கா.வின் பிரதித் தலைவர் சிரேஸ்ட  சட்டத்தரணி எஸ்.எம்.ஏ. கபூர்

இலங்கை தேர்தல் தொடர்பாக திரு.விஜயதாஸ ராஜபக்ஷ அவர்களால் அரசியல் யாப்பின் 22வது திருத்த சட்டம் சம்பந்தமான பிரேரணைக்கு இந் நாட்டிலுள்ள எல்லா சிங்கள தமிழ் முஸ்லிம் சிறிய அரசியல் கட்சியாளர்கள் ஒன்றுபட்டு ஒற்றுமையாக அதற்கு எதிர்ப்பு தெரிவிப்பதன் மூலம் மட்டும்தான் அதனை வெற்றி கொள்ள முடியுமே தவிர மாறாக முஸ்லிம் கட்சிகள் மட்டும் தனித்து நின்று குரல் கொடுப்பதன் மூலம் இதனை எவ்வளவு தூரம் தடுக்க முடியும் என்பது கேள்விக்குறியே என்பதை எம்மவர்கள் எல்லோரும் இன்றைய அரசியல் சூழ்நிலையில் கருத்தில் கொள்ள வேண்டும்,என முஸ்லிம் காங்ரசின் பிரதித் தலைவரும் சிரேஷ்ட சட்டத்தரணியுமான எஸ்.எம்.ஏ.கபூர் அவர்கள் தனது அறிக்கையில் தெரிவித்துள்ளார்.

இலங்கை கமினியூஸ் கட்சியின் தலைவரும் முன்னால் அமைச்சருமான டி.யு.குணசேகரா அவர்கள் அண்மையில் இது தொடர்பாக தனது கருத்தினை பத்திரிகை மகாநாட்டில் தெரிவித்துள்ளார். அதனையும் அங்கீகரித்து அவரின் கருத்துக்கு அமைவாகத்தான் இவ்விடையத்தை நாம் ஒன்றுபட்டு முன்னெடுத்துச் செல்ல வேண்டும் இதுவே இன்றைய காலகட்டத்தின் தேவைப்பாடாகும்.

முஸ்லிம்கள் மட்டும்தான் மேற்படி திருத்த சட்ட மூலத்தினால் பாதிக்கப்படுவதாக தம்பட்டம் போடாமலும்; அடக்கி வாசித்து காய்களை கச்சிதமாக நகர்த்தித்தான் தமது தேவையை வென்றெடுக்க முடியும் என்பதில் எவ்வித சந்தேகமும் இல்லை. ஏனென்றால் இன்றைய அரசியல் சூழ்நிலை களநிலவரங்கள் எல்லாவற்றையும் கவனத்தில் கொண்டு காரியத்தை வென்றெடுக்க வேண்டுமே தவிர வெறும் வீராப்பு வசனங்களில் எதனையும் சாதிக்க முடியாது என்பதை எமது அரசியல் தலைவர்கள் நன்கு உணர்ந்து கொள்ளவேண்டும்.

இது தொடர்பாகமு.காவின் தேசியத் தலைவர் ரவூப் ஹக்கீம்அவர்களையும் நேரடியாக சந்தித்து இதுபற்றி விரிவாகவும் விளக்கமாகவும் எடுத்துரைத்துள்ளேன். எனவேஎமது எதிர்கால அரசியல் அடையாளத்தை அடைவதற்கு இவ் விடயம் தொடர்பாக தகுந்த நடவடிக்கை எடுக்க வேண்டும் என்றும் வேண்டிக் கொண்டேன்

Tags :
comments