68 வது சுதந்திர தினத்தையொட்டி நடமாடும் நீரிழிவுப் பரிசோதனை நாளை (04) அட்டாளைச்சேனையில்

  • February 3, 2016
  • 447
  • Aroos Samsudeen

Image title

அபு அலா –

இலங்கையின் 68 வது சுதந்திர தினத்தையொட்டி நடமாடும் நீரிழிவுப் பரிசோதனை ஒன்றை நாளை காலை அட்டாளைச்சேனை பிரதேசத்தில் நடாத்தவுள்ளதாக அட்டாளைச்சேனை தள ஆயுள்வேத வைத்தியசாலையின் வைத்திய அத்தியட்சகர் வைத்தியர் கே.எல்.எம்.நக்பர் இன்று (03) தெரிவித்தார்.

அவர் மேலும் தெரிவிக்கையில்,

அட்டாளைச்சேனை தள ஆயுள்வேத வைத்தியசாலையினால் நடாத்தவுள்ள இந்த நடமாடும் நீரிழிவுப் பரிசோதனை நாளை காலை 7.30 மணிக்கு கிழக்கு மாகாண சுகாதார, சுதேச வைத்தியத்துறை அமைச்சர் ஏ.எல்.முஹம்மட் நஸீரினால் குறித்த வைத்தியசாலையில் ஆரம்பிக்கப்பட்டு மதியம் 12.00 மணிவரை இப்பரிசோதனைகள் இடம்பெறவுள்ளது.

இந்த நடமாடும் சேவை அட்டாளைச்சேனை பிரதான வீதியினூடாகச் சென்று பிரதேசத்திலுள்ள சகல உள்ளக வீதிகளினூடாகவும் வலம்வரவுள்ளது. இப்பரிசோதனைகளை மேற்கொள்ள விரும்பும் பொதுமக்கள் அனைவரும் இன்றிரவு 8.00 மணியுடன் தங்களின் இரவுநேர உணவுகளை உட்கொள்ளுமாறும் கேட்டுக்கொண்டுள்ளார். 

Tags :
comments