ISIS ஐ, CIA உருவாக்கியது – இஸ்லாமிய பயங்கரவாத்தை, இலங்கை இராணுவம் தோற்கடிக்கும் – ஜயந்த MP

  • April 26, 2019
  • 266
  • Aroos Samsudeen
ISIS ஐ, CIA உருவாக்கியது – இஸ்லாமிய பயங்கரவாத்தை, இலங்கை இராணுவம் தோற்கடிக்கும் – ஜயந்த MP
பயங்கரவாதத்தை ஒழிக்கும் நடவடிக்கைகளில் அமெரிக்காவின் FBI, பிரித்தானியாவின் MI5 ஆகிய விசாரணை குழுக்களை இலங்கை விடயத்தில் தலையிட வைக்க வேண்டாம் எனவும், இவர்கள் இலங்கைக்குள் நுழைந்தால் இலங்கைக்கும் எதிர்காலத்தில் ஆப்கானிஸ்தான், ஈராக், லிபியா, சிரியா போன்ற நாடுகளுக்கு ஏற்பட்ட நிலைமை ஏற்படும் என தேசிய சுதந்திர முன்னணி தெரிவித்துள்ளது.
தேசிய சுதந்திர முன்னணியின் தலைமை அலுவலகத்தில் நடைபெற்ற செய்தியாளர் சந்திப்பில் அந்த கட்சியின் நாடாளுமன்ற உறுப்பினர் ஜயந்த சமரவீர இதனை கூறியுள்ளார்.
மேலும் கூறுகையில், இலங்கையில் தற்போது செயற்படும் பயங்கரவாத்தை, விடுதலைப் புலிகளை முற்றாக அழித்த இலங்கை இராணுவத்திற்கு அழிக்க முடியும்.
Is என்ற இஸ்லாமிய அரசு அமைப்பு அமெரிக்காவின் புலனாய்வு பிரிவான CIA உருவாக்கிய அமைப்பு. அமெரிக்கா இந்த பயங்கரவாத அமைப்பு அல்லது அதன் ஆதரவாளர்களை நாடுகளுக்குள் அனுப்பி அவர்கள் மூலம் மிலேச்சத்தனமாக பயங்கரவாத தாக்குதல்களை நடத்துகிறது என்பது தற்போது உறுதியாகியுள்ளது.
கொடூரமான பயங்கரவாத தாக்குதல்கள் நடக்கும் நாடுகளுக்கு உதவும் போர்வையில், அமெரிக்கா தனது இராணுவத்தை அனுப்பும். அந்த பயங்கரவாத தாக்குதல்கள் குறித்து விசாரிக்க FBI விசாரணையாளர்களை அனுப்பும்.
அமெரிக்கா எண்ணை வளம், இயற்கை வளங்கள் மற்றும் இராணுவ ரீதியான முக்கிய இடங்களில் அமைந்துள்ள நாடுகளில் நுழைய இந்த வழிமுறையை பின்பற்றுகிறது. ஈராக்,லிபியா, சிரியா மற்றும் ஆப்கானிஸ்தான் போன்ற நாடுகள் அமெரிக்காவின் வேட்டை களமாக மாறின.
IS அமைப்புக்கு தற்கொலை குண்டு தாக்குதல் நடத்துவதை கற்பித்த விடுதலைப் புலிப் பயங்கரவாதிகளை அழித்த இலங்கை படையினருக்கு வெளிநாட்டுப் படையினரின் உதவி எந்த வகையிலும் தேவைப்படாது. இலங்கை படையினர் மிக விரைவில் இந்த இஸ்லாமிய பயங்கரவாதத்தை தோற்கடிப்பார்கள்.
விடுதலைப் புலிகளை தோற்கடிக்கும் போருக்கு தலைமை தாங்கிய உயர் இராணுவ அதிகாரிகள், திறமையான புலனாய்வு அதிகாரிகளை உரிய இடங்களில் நியமித்து இந்த பயங்கரவாதத்தை தோற்கடிக்க நடவடிக்கை எடுக்குமாறு முப்படை தளபதியான ஜனாதிபதியிடம் கோரிக்கை விடுக்கின்றோம்.
புலிகளை தோற்கடிக்க வழங்கிய ஒத்துழைப்புகளை இஸ்லாமிய பயங்கரவாத்தை தோற்கடிக்க வழங்க வேண்டும் என பொதுமக்களிடம் கோரிக்கை விடுப்பதாகவும் ஜயந்த சமரவீர குறிப்பிட்டுள்ளார்.
Tags :
comments