வவுனியா புகையிரத வீதியில் கார் - மோட்டர் சைக்கிள் மோதி விபத்து: ஒருவர் காயம்

வவுனியா புகையிரத நிலைய வீதியில் கார் - மோட்டர் சைக்கிள் மோதி விபத்துக்குள்ளானதில் இளைஞர் ஒருவர் காயமடைந்து வவுனியா வைத்தியசாலையில் அனுமதிக்கப்பட்டுள்ளார்.

இன்று மதியம் இடம்பெற்ற குறித்த விபத்து தொடர்பில் மேலும் தெரியவருவதாவது,

வவுனியா நகரப்பகுதியில் இருந்து புகையிரத வீதியூடாக சென்ற கார் ஒன்றில் பயணித்தவர் இலங்கை வங்கி தன்னியங்க காசு இயந்திரத்தில் பணம் எடுத்து விட்டு தனது காரினை நகரை நோக்கி திருப்பிய போது நகரில் இருந்து புகையிரத வீதியால் பயணித்த மோட்டர் சைக்கிள் மோதி விபத்துக்குள்ளானது. இந்த விபத்தில் மோட்டர் சைக்கிளில் பயணித்த இளைஞர் காயமடைந்து வவுனியா வைத்தியசாலையில் அனுமதிக்கப்பட்டுள்ளார்.

இது தொடர்பான மேலதிக விசாரணைகளை வவுனியா பொலிசார் மேற்கொண்டு வருகின்றார்கள். 

சிவக்குமார்